Oaidnámušat

Jeagelveadji sámedállu

Álgoálgosaš dállu Deatnomiellis

Jeagelveadji sámedállu

Jeagelveaji dállu lea davimus Sámis, Deatnogáttis Ohcejohnjálmmi ja Njuorggáma giliid gaskkamuttus. Jeagelveadji lea áibbas Ohcejohka-Njuorggán geainnu guoras. Ohcejohnjálmmis lea dohko 24 kilomehtera.

Jeagelveaji dállu huksejuvvui jagis 1858 Deatnoleahkái gos olbmot leat guolástan jahkečuđiid. Dálu ássit guolástedje ja dikšo sávzzaid dáin fiinna guovlluin. Dállu lea dál áidnalundot historjjálaš oainnáldat,man bokte oaidná, mo sámit dolin elle. Dat muitala galledeaddjii, mo lei eallit Suoma davimus davi guorba, muhto čáppa luonddus. http://www.lundui.fi/se/jeagelveadji

Jeagelveajis lea ássojuvvon guhká. Deanu leahkái leat álo ásaiduvvan bivdoolbmot, geain muhtumat leat orron Jeagelveajis. Ássamis leat báhcán luottat: šilljus ja dan lahkosiin leat máŋggat goahtesajit ja govádagat mearkan dološ vistesajiin. Man boarrásat dat leat, lea váttis diehtit, muhto doppe lea ássojuvvon goit 1600-logu rájes ja kanske juo geađgeáiggi rájes.

Anna palautetta